Prodhimet e kompanive nga Kosova promovohen në New York

Bëhet e ditur se tri kompani nga Kosova: FRUTEX, EGI GROUP dhe ERC TRADE, do të marrin pjesë në Panairin “Summer Fancy Food Show 2022”, që do të mbahet në New York të SHBA-së, nga data 12 e deri më 14 qershor, njofton albinfo.ch.

Pjesëmarrjen e tyre në këtë panair e ka siguruar Ministria e Industrisë, Ndërmarrësisë dhe Tregtisë (MINT), përkatësisht Agjencia për Investime dhe Përkrahjen e Ndërmarrjeve në Kosovë (KIESA).

Ky panair njihet si ndër më të mëdhenjtë në SHBA i dedikuar ekskluzivisht për ushqimet dhe pijet e specializuara.

Për kompanitë nga Kosova, MINT-KIESA ka siguruar hapësirën ekspozuese prej 27 m2.

Kompanitë nga Kosova do të ekspozojnë çokollata të llojeve të ndryshme, prodhime konditorike, lloje të ndryshme të biskotave, shpageta, makarona, brumëra të ndryshëm, pije joalkoolike etj.

Panairi mbahet në: Location in Level 1 – 6636, 6638 and 6640 – International Pavilion in Javits Center, 655 West 34th Street, Manhattan, New York City 10014, USA. /Albinfo.ch