Produktet kosovare ekspozohen në Shqipëri

Panairi, një mundësi e shkëlqyeshme për inkurajimin e rritjes së shkëmbimit tregtar në mes të Shqipërisë dhe Kosovës

Prodhimet kosovare ekspozohen nga sot e deri më 29 nëntor në Qendrën Tregtare CityPark në Tiranë.

Drejtues të kësaj qendre kanë thënë se kjo është një mundësi e mirë për promovimin prodhimeve nga Kosova.

“Në hapësirat e “Citypark” në Tiranë do të mbahet ekspozimi i produkteve nga Kosova, të cilat do të kenë mundësi të njihen më shumë me tregun shqiptar dhe të krijojnë lidhje më të forta me konsumatorët në Shqipëri”, theksohet në njoftimin dërguar mediave.

Sipas njoftimit, panairi do të jetë një mundësi e shkëlqyeshme për inkurajimin e rritjes së bashkëpunimit afarist dhe shkëmbimit tregtar në mes të Shqipërisë dhe Kosovës.

Ekspozimi mbahet në hapësirat e brendshme të “CITY PARK” dhe hyrja për vizitorët do të jetë falas.