Projekt pilot: Do të lejojnë 5.000 njerëz të tymosin kanabis në Zvicër

Qeveria zvicerane tha se mund t’u lejojë 5,000 njerëzve konsumimin legal të marihuanës

Kjo do të jetë pjesë e studimeve pilot që do të ndihmojnë në formulimin e rregullave të reja për përdorimin rekreativ të marihuanës, shkruan albinfo.ch

Plani do të jetë i hapur për komentet e publikut deri në mes të vitit, tha Zyra Federale e Shëndetit.

Shteti tashmë lejon përdorimin e produkteve të kanabisit me më pak se një për qind të substancës psikoaktive THC.

Është vlerësuar se rreth 200,000 njerëz në Zvicër përdorin kanabis të paligjshëm.

“Qytetet tregojnë efektet negative të ligjeve aktuale, trafikimi i paligjshëm në vendet publike po shqetëson gjithnjë e më shumë njerëzit në zonat urbane”, thuhet në deklaratë.

Qeveria zvicerane paraqiti ligje për ndalimin e kanabisit që në fillim të vitit 1951. Tani, qeveria ka propozuar projekte pilot të kufizuara që mund të çojnë në ndryshime në ligjet për ndalimin e kanabisit, përcjell albinfo.ch.

Disa shtete amerikane kanë lehtësuar kufizimet në konsumin e marijuanës. Në Evropë, kanabisi është i ligjshëm në Portugali dhe Republikën Çeke, ndërsa Luksemburgu po shqyrton legalizimin.

---