Projektligji për buxhetin, opozita kritikon qeverinë  

Ministri i Financave, Bedri Hamza, ka treguar për uljen buxhetit nga 2 miliardë në 1.8 miliardë, për çfarë ka marrë kritka nga opozita

Me debate e kundërshtime është përcjellë diskutimi për rishikimin e buxhetit të këtij viti. Ministri i Financave, Bedri Hamza, ka treguar për uljen buxhetit nga 2 miliardë në 1.8 miliardë.

Ai ka përmendur obligimet ndaj punëve të kryera në autostradën “Arbën Xhaferi”, veteranët dhe pagesat nga vendimet gjyqësore. Ka thënë se sigurimet shëndetësore janë hequr, pasi një numër i madh detyrash që janë dashur të kryhen, nuk janë bërë. Sa i përket autostradës për Gjilan, Hamza ka thënë se ajo  nuk ka nisur fare, pasi procedurat nuk kanë përfunduar.

Me këto konstatime nuk janë pajtuar partitë opozitare. Dardan Molliqaj, nga Lëvizja Vetëvendosje, ka thënë se ndryshimi më shumë përngjan në një dokument kontabiliteti. Ai ka thënë se lëvizjet e bëra në buxhet janë në kurriz të investimeve kapitale, të cilat deri më tani nuk dihet se çfarë përfitime i sollën vendit.

Ndërsa, Naser Osmani  ka thënë se LDK-ja nuk pajtohet me vendimin për heqjen e mjeteve nga financimi i autostradës për Gjilan, heqjen e sigurimeve shëndetësore dhe degradimin e veteranëve e shtimin e numrit të tyre për përfitime të votave.