Qytetarët do të mblidhen sot në orën 17:00 në sheshin “Zahir Pajaziti” në Prishtinë, në një protestë për të kërkuar drejtësi për Arlindën dhe të gjitha gratë e vrara, përcjell albinfo.ch.
Protesta është thirrur nga Kolektivi për Mendim dhe Veprim Feminist, ndërsa pas tubimit në shesh, pjesëmarrësit do të marshojnë drejt Qeverisë së Kosovës dhe Këshillit Prokurorial.
Përmes thirrjes për protestë, organizatorët kanë kërkuar që zëri i qytetarëve të dëgjohet dhe institucionet të japin llogari për përgjegjësitë e tyre.
“Zëri ynë do të dëgjohet. Shteti do të japë llogari”, thuhet në thirrjen e Kolektivit.
Protesta vjen pas vrasjes së Arlindës dhe në vazhdën e reagimeve publike kundër dhunës ndaj grave, me kërkesë për drejtësi dhe përgjegjësi institucionale./Albinfo.ch.
