Publikohet traileri i filmit “Avengers: Endgame”

Pas përfundimit shokues të filmit “Avengers: Infinity War”, ku gjysma e super heronjve të universit të librave komikë Marvel u panë duke u zhdukur nga personazhi i keq, Thanos, adhuruesit e kinematografisë e kanë pritur mirë trailerin e filmit të ri “Avengers”.

Studiot filmike Walt Disney dhe Marvel Studios e lansuan trailerin e filmit të ri, i cili do të publikohet në fund të prillit të ardhshëm.

Titulli i filmit tashmë është zbuluar dhe do të jetë “Avangers: Endgame”. Krahas trailerëve të filmave të mëparshëm me superheronj, ky klip nuk përmban skena të mbushura me aksion, por thjesht i sjell personazhet e mbijetuara, Iron Man, Captain America, Thor, Black Widow  dhe Hulk, teksa mbajnë zi për miqtë që i kanë humbur në betejën e ashpër me Thanos-in, shkruan albinfo.ch

Jeremy Renner, i cili e personifikon superheroin Hawkeye dhe mungonte dukshëm në filmin e kaluar “Infinity War”, e bën një paraqitje në këtë trailer, njësoj sikurse Ant Man, i cili u pa në një situatë të vështirë në fund të filmit “Ant man and the Wasp”.