Puç në Turqi, paraqitet Erdogan

Presidenti turk, Rexhep Erdogan ka ftuar popullin turk që të dal në rrugë për të protestuar kundër atyre që dëshirojnë grusht shtet

Kryeministri turk akuzoi një grup të ushtrisë turke se po bënë  përpjekje për grusht shtet në vend, raporton New York Times.

Kryeministri turk, Binali Yildirim tha për televizioni NTV shkurt: “Është e vërtetë se ka pasur një përpjekje për grusht  shteti.”

Yildirim nuk ka thënë asgjë më shumë, por tha se Turqia nuk do të lejojë asnjë “iniciativë që është jodemokratike.”

Më herët, avionët ushtarakë fluturuan mbi kryeqytetin, Ankara, dhe u dëgjuan dhe të shtëna nga armë zjarri.

„The Telegraph“ raportoi se urat mbi Bosfor në Stamboll u mbyllen nga ushtria.

Erdogan është paraqitur nëpërmjet Skypes duke theksuar për televizionin “SkyNews” se gjendja në Turqi është nën kontroll duke ftuar popullin turk që të dal në rrugë për të protestuar kundër atyre që dëshirojnë grusht shtet.

Ushtria raportohet se ka marrë nën kontroll televizionin nacional turk TRT, pastaj raportohet se është marrë nën kontroll edhe Aeroporti në Ankara..