Punëtorët në Gjermani, nuk po punojnë me orar të zgjatur

(KEYSTONE/Alessandro della Valle)

Zyra Federale e Statistikave në Gjermani ka nxjerrë si përfundim në raportin e saj se më pak punëtorë në Gjermani janë duke punuar me orar të zgjatur, ose mbi 48 orë në javë.

Nga afërsisht 30 milionë njerëz me punë me kohë të plotë në Gjermani, 8.3% punonin rregullisht 48 orë në javë vitin e kaluar, duke shënuar nivelin më të ulët që nga viti 1991.

Kjo është më pak nga viti 2021, kur 8.9% e popullsisë së Gjermanisë që punonte me kohë të plotë kishte më shumë se 48 orë në javë, shkruan The Local.

Sipas Entit të Statistikave, nëse profesionistët e pavarur punësojnë vetë njerëz, 48.2% e shefave janë në punë për më shumë se 48 orë.

Por në mesin e përkthyesve të pavarur që punojnë vetëm për veten e tyre, norma qëndron në 26%.

Vetëm një në 20 duhet të punojë më shumë se 48 orë, derisa vitin e kaluar, kohëzgjatja mesatare e punës për punë të plota ishte 40.4 orë në javë, përcjell albinfo.ch.

Punonjësit gjithashtu kanë më pak gjasa të punojnë me orë të tepërta, pasi oraret e tyre rregullohen rreptësishtë nga ligji gjerman i punës

Sipas ligjit të orarit të punës, koha ditore e punës për punonjësit duhet të kufizohet në tetë orë, ndërsa në ditët individuale lejohet edhe deri në dhjetë orë.

Orari i saktë i punës përcaktohet nga kontratat përkatëse të punës ose kolektive. Për shembull, në industrinë metalike dhe elektrike gjermane perëndimore, java 35-orëshe zbatohet për punëtorët me kohë të plotë. Puna jashtë orarit mbi këtë kufi duhet të lidhet në një marrëveshje me shkrim.

Të vetëpunësuarit dhe përkthyes të pavarur nuk mbulohen nga ligji i orarit të punës, me përjashtime të bëra për disa grupe profesionale menaxheriale, përcjell albinfo.ch.