Punëtori shqiptar nga ky shtet humb jetën në një aksident pune

Punëtori shqiptar vdes në aksident në provincën e Padovës

Një aksident tragjik në punë ndodhi më 9 janar në provincën e Padovës, Itali. Viktima është Zevxhet Halili, 59 vjeç, shtetas shqiptar, banues në Sant’Elena, transmeton albinfo.ch.

Ngjarja ndodhi rreth orës 16:30, kur Halili, punonjës i kompanisë Sesa në fushën e shërbimeve mjedisore, mbeti i shtypur brenda një prese industriale gjatë punimeve të mirëmbajtjes. Megjithë përpjekjet e ekipeve mjekësore, ai ndërroi jetë në vend.

Zona është sekuestruar dhe hetimet po vijojnë për të përcaktuar shkaqet dhe përgjegjësitë e aksidentit. Ky është aksidenti i dytë fatal në provincën e Padovës që nga fillimi i vitit, pas vdekjes së një punëtori tjetër më 5 janar./Albinfo.ch

---