Punonte njëkohësisht në Itali dhe Zvicër – zbulohet mashtrimi i një zyrtari komunal

Hetuesit italianë zbuluan se punonjësi regjistrohej në punë në Itali dhe më pas nisej drejt Ticinos

Një punonjës komunal nga provinca italiane Varese është zbuluar se punonte në Zvicër gjatë orarit zyrtar të punës në Itali.

Sipas hetimeve, ai paraqitej fillimisht në zyrën komunale në Itali për të regjistruar hyrjen në punë dhe më pas udhëtonte drejt kantonit Ticino, ku kishte një punë tjetër.

Hetuesit italianë arritën të rindërtonin lëvizjet e tij duke krahasuar pamjet e kamerave të sigurisë dhe sistemet e monitorimit. Sipas autoriteteve, punonjësi përdorte një automjet komunal për të shkuar në bashki dhe për të regjistruar prezencën, më pas e parkonte automjetin në depon komunale dhe vazhdonte rrugën drejt Zvicrës me veturën private, transmeton albinfo.ch.

Edhe pse fizikisht ndodhej në Ticino, ai figuroi zyrtarisht si në detyrë në Itali gjatë gjithë kohës.

Autoritetet italiane nuk kanë bërë ende të ditur se çfarë dënimi do të përballet punonjësi, por rasti ka tërhequr vëmendje të madhe në mediat italiane dhe zvicerane për shkak të mënyrës së organizuar të mashtrimit.

---