Qendra gjermane organizon panairin e punës në Kosovë

Foto ilustrim

“Eja dhe tako punëdhënësin tënd potencial”, është thirrja e qendrës DIMAK për Panairin e Punës dhe Karrierës, shkruan albinfo.ch.

Ky panair, që do të zërë vend në sallën “1 tetori” në Prishtinë, më datën 3 maj, pritet të mbledhë kompani të ndryshme, të cilat do t’u ofrojnë mundësi punësimi të interesuarve.

Po ashtu, në këtë panair, të interesuarit do të mund të informohen edhe për mundësitë e ndryshme për bursa, trajnime dhe seminare, përcjell albinfo.ch.

 “Eja, tako punëdhënësin tënd potencial dhe zbulo mundësitë për vazhdimin e karrierës tuaj”, është thirrja DIMAK-ut.

Për ndryshe, DIMAK është qendër gjermane që ofron informacion për migracion, arsim dhe karrierë.

E në prag të këtij panairi, të rinj të Kosovës po marrin rrugën drejt vendeve europiane, me qëllim të gjetjes së një pune më të mirë.

Sipas Anketës së Fuqisë Punëtore, të publikuar nga Agjencia e Statistikave të Kosovës, shkalla e papunësisë në vend është 29.6 për qind.