Qeni ngordh në dollapin e aeroplanit

“United Airlines” ka pranuar përgjegjësinë e plotë për ngordhjen e një qeni pasi një udhëtar e kishte vendosur qenin në kabinën mbi kokë të pasagjerëve.

“Ishte aksident tragjik që nuk guxon kurrë të përsëritet”, ka thënë kompania ajrore.

Qeni francez ngordhi gjatë udhëtimit nga Hjustoni drejt Nju Jorkut në SHBA të hënën.

Dëshmitarët kanë thënë se stjuardesat kishin kërkuar nga një prej pasagjerëve ta vendoste çantën për qen në hapësirën e mbyllur, ndërsa më pas u tha se nuk kanë ditur se qeni ishte brenda, transmeton Albinfo.ch.

“Ne marrim përgjegjësinë e plotë për këtë tragjedi dhe shprehim ngushëllimet më të thella për familjen dhe jemi të vendosur t’i përkrahim ata”, ka shkruar kompania.

Një pasagjere e aeroplanit ka treguar se qeni ngordhi në fund të udhëtimit.