Qeveria e Kosovës heq vizat për shtetasit e Singaporit

Pixabay: Ilustrim

Sot, Qeveria e Kosovës ka marrë vendim që qytetarëve të Singaporit t’u hiqen vizat për qëndrim në Kosovë.

Kjo u bë e ditur nga ministrja e Punëve të Jashtme, Donika Gërvalla, në mbledhjen e Qeverisë, përcjell albinfo.ch.

“Paraqes para jush kërkesën që shtetasve të Singaporit t’u mundësohet të lirohen nga pajisja me vizë për hyrje transit dhe qëndrim në territorin e Republikës së Kosovës deri në 90 ditë, për një periudhë gjithsej prej 6 muajsh. Propozojmë që të zbatohet i njëjti regjim i vizave dhe e njëjta procedurë për hyrje, kalim, transit në territorin e Republikës së Kosovës ndaj shtetasve të Singaporit”, ka thënë Gërvalla.

Me anë të këtij vendimi shtetasit e Singaporit do të mund të qëndrojnë për 90 ditë në Kosovë brenda një periudhe 6-mujorëshe.