Qeveria e Kosovës ndan 19 milionë euro për subvencionim të energjisë elektrike

pixabay

Mes disa vendimeve të aprovuara në mbledhjen e 97-të të Qeverisë, u vendos që 19 milionë euro të ndahen për subvencionim për energji, në mënyrë që të mos rriten tarifat e faturave për qytetarët, përcjell albinfo.ch.

“Ndamë 19 milionë euro për subvencionimin e energjisë elektrike për qytetarët, me qëllim të uljes së ndikimit të tarifave të energjisë, si dhe 6 milionë euro për zbatim të masave të efiçiencës së energjisë. Ndaluam eksportin dhe ri-eksportin e produkteve të drurit si lëndë djegëse. Miratuam dyfishimin e pagesës për përfituesit e skemës së ndihmës sociale për muajin shtator 2022”, ka thënë Kurti.