Qeveria e Kosovës shpenzoi buxhetin në kundërshtim me ligjin

Grupi për Studime Juridike dhe Politike ka thënë se Qeveria e Kosovës e ka shpenzuar mbi 70 për qind të buxhetit të rezervës në kundërshtim me ligjin për vendime jourgjente.

Të dhënat kjo organizatë i ka prezantuar në një konferencë për media ku edhe ka publikuar raportin mbi keqpërdorimin e rezervave buxhetore për vendimmarrjen një vjeçare të Qeverisë Haradinaj, transmeton albinfo.ch.

Albana Rexha deklaroi se nga 16 vendime që ka marrë Qeveria për shpenzimin e rezervës shtetërore, janë shpenzuar rreth 3.6 milionë euro.

Sipas saj, në asnjë prej këtyre rasteve nuk janë shikuar kriteret ligjore dhe vendimet janë marrë ad-hok.

Rexha ka thënë se rezervat shtetërore do të duhej të shpenzoheshin për çështje urgjente dhe jo për aktivitete që deri më tani janë përdorur.