Qeveria e Maqedonisë fajëson qytetarët lidhur me situatën pandemike

KEYSTONE/EPA/GEORGI LICOVSKI

Genc Selmani, mjek në Maqedoninë e Veriut, thotë se qeveria dështimin e saj në menaxhimin e pandemisë po përpiqet t’ua faturojë qytetarëve për mosrespektimin e masave kufizuese.

“Të fajësosh popullatën se nuk ka respektuar masat, unë mendoj se është një arsye pa arsye e pushtetit në dështimin e menaxhimit të situatës së pandemisë dhe me sigurimin e vaksinave. Jemi shteti që kemi kryer më pak vaksina në rajon dhe po të mos ishte Serbia, akoma sot ne si mjekë do të ishin të pavaksinuar”, deklaroi mjeku, transmeton Euronews, përcjell Albinfo.ch.

Gjatë javës së fundit në Maqedoninë e Veriut janë regjistruar 8398 të infektuar me COVID-19 dhe 267 viktima. Genc Selmani thotë se RMV po kalon kulmin e valës së tretë të coronavirus, ndërsa rekord i viktimave në një ditë u shënua më 3 mars, ku pati 50 të vdekur.

Sipas mjekut Selmani, Maqedonia e Veriut ka dështuar në sigurimin e vaksinave dhe pavarësisht përpjekjeve nuk janë arritur as marrëveshje me firma kineze. Ai thotë se javën e ardhshme pritet të mbërrijnë doza nga COVAX dhe donacione por mbetet spektik.