Qeveria e Shqipërisë merr përsipër organizimin e Samitit të Dytë të Diasporës

Qeveria e Shqipërisë miratoi “Vendimin për Financimin dhe Organizimin e Samitit të Dytë të Diasporës”, të propozuar nga ministri i Shtetit për Diasporën, Pandeli Majko. 

Ky projekt ka për qëllim realizimin e aktivitetit më të madh, ku do të marrin pjesë përfaqësues të komuniteteve të shqiptarëve në Diasporë, shkruan albinfo.ch.

“Deri tani është parashikuar që të marrin pjesë një numër i madh përfaqësues të regjistruar nga të gjitha organizatat dhe komunitetet shqiptare nëpër botë”, thuhet në njoftimin e ministrit Majko. 

Organizimi dhe aktivitetet zbatuese për realizimin e Samitit të Dytë të Diasporës, i cili do të mbahet në periudhën 28 shkurt-2 mars 2019  sipas ministrit, janë në fazën përfundimtare.

“Institucionet kryesore që do të merren me organizmin e Samitit të Dytë të Diasporës janë Kryeministria, ministri i Shtetit për Diasporën, Ministria  për Evropën dhe Punët e Jashtme dhe Drejtoria e Shërbimeve Qeveritare janë parashikuar në vendimin e parë më 12 janar të vitit të kaluar për miratimin e aktiviteteve dhe projekteve në kuadër të vitit Mbarëkombëtarë të Gjergj-Kastriot Skënderbeut”, të Komisionit Shtetëror për Organizimin e Veprimtarive në Kuadër të Vitit Mbarëkombëtar të Gjergj Kastriotit-Skënderbeut”, shkruan tutje ministri.