Qeveria po rifiton besimin – Berset, dukshëm më i preferuari

Përqindja e atyre që shprehin "një nivel të lartë besimi" për qeverinë është rritur nga 32 në 49 për qind

Në fillim të pandemisë, një vit më parë, Këshilli Federal po gëzonte besim të madh në mesin e popullatës. Por ky besim u ul ndjeshëm gjatë valës së dytë, shkruan watson.ch duke ju referuar sondazhit më të ri “SRG Corona Monitoring”.

Ndërkaq, Qeveria e shtetit tani sërish është duke gëzuar miratim dukshëm më të madh se sa në janar, transmeton albinfo.ch.

Përqindja e atyre që shprehin “një nivel të lartë besimi” është rritur nga 32 në 49 për qind. Në të kundërt, përqindja e personave që i falin qeverisë “pak besim”, ka rënë nga 40 në 30 për qind.

Kur jemi këtu, puna e ministrit të shëndetësisë, Alain Berset është vlerësuar më së miri, me 4.4 pikë nga 6 të mundshme, transmeton albinfo.ch. Ministri i Jashtëm Iganzio Cassis paraqitet më së keqi, me 3 pikë, sa i kanë dhënë të anketuarit.

Ish presidentja e federatës, Simonetta Sommaruga, me 4.1 pikë është e dyta ndërsa me nga 3.8 pikë janë vlerësuar ministrat Viola Amherd dhe Ueli Maurer. Në vendi n e pestë, me 3.7 pikë vjen presidenti aktual Guy Parmelin ndërsa me 3.5 pikë, Karin Sutter-Keller.

 

---