Qeveria zgjedh aeroplanët suedezë “Gripen”

Zvicra do të blejë 22 aeroplanë të këtij tipi, nga prodhuesi suedez Saab, që së bashku do të kushtojnë 3.1 miliardë franga

Qeveria Federale e Zvicrës, në mbledhjen e saj të sotme ka marrë vendimin përfundimtar për blerjen e aeroplanëve luftarakë, për të cilët është duke u bërë zhurmë prej disa muajsh. Qeveria është përcaktuar për tipin e aeroplanëve “Gripen” nga Suedia.

Zvicra do të blejë 22 aeroplanë të këtij tipi, nga prodhuesi suedez Saab, që së bashku do të kushtojnë 3.1 miliardë franga.

Me vendimin që ka marrë, qeveria zvicerane ka zgjedhur ofertën më të lirë në treg.

Ministri i mbrojtjes, Ueli Mauerer me këtë rast ka thënë se “është bërë zgjedhja që ka qenë e përshtatshme për ne dhe që i plotëson saktësisht kërkesat tona. Me zgjedhjen e bërë, Zvicra heq dorë nga `cilësitë kulminante` të reklamuara nga prodhuesit e disa aeroplanëve tjerë.

Në shqyrtim ka qenë edhe blerja e aeroplanëve francezë “Rafale” dhe “Eurofighter” të konzorciumit EADS.