Qeveria zvicerane heton tregtarët e mallrave, shkak sanksionet ndaj Rusisë

Qeveria zvicerane ka urdhëruar hartimin e një raporti mbi tregtimin me mallra derisa ngritën dyshime nga tregtarët për moszbatimin e sanksioneve ndaj Rusisë.

Në një intervistë për televizionin publik të Zvicrës, udhëheqësja e Sekretariatit Shtetëror për Çështje Ekonomike, Helene Budliger, u shpreh se beson që sanksionet janë zbatuar plotësisht, raporton Swissinfo.ch, përcjell albinfo.ch.

“Qeveria ka porositur një studim për të fituar një pasqyrë më të mirë për sektorin, kjo synon të plotësojë boshllëqet e krijuara në vendet e punës e tatimet për lëndët e para”, tha Budliger për mediumin zviceran.

Por, ajo shtoi se nga tregtarët kanë marrë konfirmimin se kanë mbyllur bizneset me Rusinë pas sanksionimeve. Megjithatë, Budliger shprehet se ka pasur raste kur kanë munguar të dhënat.

Zvicra ka miratuar disa raunde sanksionesh në përputhje me ato të Bashkimit Evropian, duke përfshirë një kufi të çmimit të naftës së papërpunuar ruse të shpallur dhjetorin e kaluar, raporton Swissinfo.ch, përcjell albinfo.ch.

Vendimi i qeverisë së Zvicrës erdhi pas një kërkese që kishte bërë organizata joqeveritare “Public Eye” për formimin e një autoriteti që do të mbikëqyrte sektorin e tregtimit me mallra për të rritur transparencën sa i përket zbatimit të sanksioneve.

Ndërkaq, Prokurori i Përgjithshëm, Stefan Blättler, në korrik të vitit 2022 kishte paralajmëruar tregtarët e drithërave, qymyrit e mallrave të tjerë të vjedhura nga Ukraina se mund të përballen me ndjekje penale.