Qindra njerëz pa maska demonstrojnë kundër masave të Kovidit në Cyrih

Skeptikët e Coronavirusit janë mbledhur sërish në Cyrih për një "shëtitje". Policia është përgjigjur, duke bërë disa arrestime

Në Cyrih, disa qindra skeptikë të koronavirusit, sot, nën reshje të vazhdueshme të shiut kanë demonstruar  kundër masave të zbatueshme të koronës.

“Arbitrariteti shtetëror” është një ndër parullat që mund të lexoheshin në njërën nga banderolat, shkruan 20minuten.ch.

Sipas vlerësimit të bërë nga një reporter lokal, rreth 500 demonstrues kanë marshuar nëpër Niederdorf të Cyrihut, transmeton albinfo.ch. “Asnjëri prej tyre nuk mbante maskë”, thotë një lexues.

Siç raporton Policia e Qytetit të Cyrihut në një komunikatë të saj, disa qindra njerëz janë takuar në orën 13 pasdite në Qarkun 1 të qytetit për një “shëtitje” kundër masave të Koronës.

Policia kishte njohuri për këtë ngjarje paraprakisht dhe ishte në vend me një ekip kontigjent ndërhyrjeje dhe dialogu.

Kur policia deshi t’u drejtohej njerëzve kryesisht të pamaskuar dhe t’u tërhiqte vëmendjen që t`u përmbahen rregulloreve në fuqi, filloi “ecja” në drejtim të urës Münsterbrücke e cila qe  bllokuar.

Pas njoftimeve përmes altoparlantëve, pjesëmarrësit u larguan në grupe, përcjell albinfo.ch. Si rezultat, grupet u takuan përsëri në zonën Limmatquai / Niederdorf. Pas kësaj, policia filloi të kontrollojë pjesëmarrësit dhe t’i kthente ata mbrapa.

Me këtë rast janë bërë disa dhjetra kallëzime për shkelje të rregullores Covid.

Katër persona janë dërguan në një stacion policie për hetime të mëtejshme.

(Foto: Screenshot srf.ch)

---