Qyteti që po i çudit të gjithë, asnjë banor i infektuar me Covid

Rastet me COVID-19 po rriten në shumë pjesë të Kanadasë, por një rajon në veri të vendit po i habit të gjithë. Ky territor duket se nuk ka asnjë rast të koronavirusit.

Marsin e vitit të kaluar, ndërsa kufijtë nëpër botë po mbylleshin shkaku i pandemisë globale, zyrtarët në Nunavut vendosën që edhe ata të mos rrezikonin. Për këtë arsye, morën masa shumë të rrepta sa i takon udhëtimit duke u ndaluar hyrjen në zonë pothuajse të gjithë jorezidentëve.

Banorët që lëvizin jashtë territorit verior, duhet të kalojnë në kthim dy javë në karantinë. Ato qëndrojnë me shpenzimet e qeverisë në të ashtuquajtura “qendra izolimi”, që janë praktikisht hotele në disa qytete ku janë vendosur roje sigurie dhe infermierë kontrollojnë shëndetin e personave të karantinuar. Deri më tani, 7,000 banorë të Nunavut kanë kaluar kohë në këto qendra si përpara se të ktheheshin në rajonin me rreth 39 mijë banorë, shkruan tch, përcjell Albinfo.ch.