Qytetarët të kënaqur me qeverisjen e Shpend Ahmetit

Sipas një ankete bërë nga UNDP lidhur me trendit të kënaqshmërisë me pushtetin lokal, del se performanca e kryetarit të Komunës së Prishtinës është rritur për 11.1 për qind

Programi i Kombeve të Bashkuara për Zhvillim (UNDP) ka prezantuar rezultatet e anketës lidhur me performancën e pushtetit lokal për regjionin e Prishtinës dhe sipas sonazhdit që ka publikuar vetë komuna e kryeqytetit, qytetarët janë të kënaqur me qeverisjen e Shpend Ahmetit.

Rezultatet e anketës janë pjesë e “Mozaikut të Kosovës 2015”, si vazhdimësi e raporteve që UNDP-ja i ka filluar në vitin 2003, të cilat pastaj janë realizuar çdo 3 vjet.

Sipas njoftimit, realizimi i raporteve çdo 3 vjet na ofron një analizë të trendeve në aspektin e kënaqëshmërisë së qytetarëve lidhur me performancën e pushtetit lokal në fusha të caktuara.

“Sipas, analizës së trendit të kënaqshmërisë me pushtetin lokal, del që Prishtina ka një trend pozitiv që është më i lartë për 22.48 pikë, deri sa  në vitin 2012 ishte 7.65 kurse në vitin 2015 është 30.13”, thuhet në njoftimin e Komunës që i referohet anketës së publikuar nga UNDP.

“Në raport është matur po ashtu edhe niveli i kënaqshmërisë lidhur me performancën e kryetarëve të komunave, kuvendeve komunale dhe administratës komunale. Performanca e kryetarit të Komunës së Prishtinës është rritur për 11.1 për qind sa ishte 69.9 për qind  në vitin 2012”, thuhet më njoftim e Komunës. Këto të dhëna janë publikuar në Hotel Sirius në Prishtinë.