Qytetet e para zvicerane i përgjigjen thirrjes së qeverisë për kursimin e energjisë

Berna, Bazeli, Zug tri qytetet që filluan kurismin

Këshilli Federal shpalli rekomandimet e tij për uljen e konsumit të energjisë në 31 gusht – masa që përfshijnë, ndër të tjera, uljen e temperaturës së dhomës dhe ujit, si dhe fikjen e dritave në ambientet e pabanuara, përcjell albinfo.ch.

Shoqata Zvicerane e Qyteteve shprehu mbështetjen e saj për rekomandimet e qeverisë dhe disa qytete tashmë kanë marrë masa vullnetare.

Për shembull, Berna po ul temperaturën e dhomës me dy gradë në ndërtesat e administratës; Bazeli po e redukton ngrohjen në 19C në zyrat publike dhe në Zug “temperatura në shkolla dhe ndërtesa administrative do të ulet me dy gradë – pavarësisht nëse do të ketë mungesë”, sipas Urs Raschle, kreu i Çështjeve Sociale dhe Mjedisit.

Përveç ndryshimeve në nivel bashkie, do të ndërmerren edhe disa hapa mbarëkombëtarë, si Migros, ashtu edhe Coop kanë njoftuar se do të heqin dorë nga çdo ndriçim në dyqanet e tyre gjatë natës, duke përfshirë shfaqjet e dritave gjatë sezonit të Krishtlindjeve.

 

---