Skip to content

Radikalëve islamikë u refuzohet salla për mbajtjen e konferencës

Nicolas Blancho, President du Conseil Central Islamique s'exprime lors de la conference annuelle du Conseil Central Islamique Suisse, CCIS, ce samedi 19 fevrier 2011 au Palais des Congres de Bienne. (KEYSTONE/Laurent Gillieron)

“Këshilli Qendror Islamik i Zvicrës” (IZRS) njihet si një subjekt me orientim radikal islamik, i themeluar nga zviceranë të konvertuar në islam

E ashtuquajtura “Konferencë paqësore” e IZRS nuk do të mbahet si ishte paralajmëruar, në World Trade Center të Oerlikonit, Cyrih. Konferenca pritej të mbahej pas dy javësh dhe pronarja e ndërtesës së përmendur, Fondi Pensional i të Punësuarve të Kantonit të Cyrihut (BVK) ke vendosur që ajo të mos mbahet në ambientet që i ka në pronësi, shkruan srf.ch.  “Pas sqarimeve të detajuara është ardhur në përfundimin që ky tubim nuk bën të mbahet”, thuhet në një komunikatë.

Siç është paralajmëruar, ndërkaq, në konferencën e kontestuar do të mbante fjalim edhe një predikues i islamit radikal.

Në lidhje me konferencën e planifikuar, është shprehur edhe shefi i sigurisë në Kantonin e Cyrihut, Mario Fehr, transmeton albinfo.ch. “Jemi në kontakt me autoritetet federale dhe me ato të qytetit të Cyrihut. Është duke u shqyrtuar se kush do të marrë pjesë në këtë organizim dhe për cilët persona ka ndalesë të hyrjes në Zvicër”.

Fehr ka kritikuar me këtë rast edhe shoqërinë civile, e cila u jep shtytje aktiviteteve të tilla propagandistike. E njëjta gjë vlen në të njëjtën masë edhe për aktivitetet e të djathtës ekstreme.

“Këshilli Qendror Islamik i Zvicrës” (IZRS) njihet si një subjekt me orientim radikal islamik, i themeluar nga zviceranë të konvertuar në islam.