Rama Këshillit të Evropës: Tërhiqni raportin kundër UÇK-së për trafik organesh

Kryeministri i Shqipërisë, Edi Rama, ishte sot pjesë e Samitit të Liderëve të Këshillit të Evropës në Rekjavik të Islandës.

Fjalimin e tij ai e fokusoi në mbrojtje të Hashim Thaçit, duke kërkuar nga Asambleja e Këshillit të Evropës që të tërheqë deklaratën, ku Ushtria Çlirimtare e Kosovës akuzohet për trafikim organesh.

“Asambleja e Këshillit të Evropës ka detyrimin moral të tërheqë çdo gabim. Në këtë rast, duhet të tërheqë mbrapsht raportin që në mënyrë të rreme e etiketoi Shqipërinë si një për trafikim e organeve nga Ushtria Çlirimtare e Kosovës”, tha Rama.