Rama përgëzon policinë për arrestimet e fundit

Kryeministri i Shqipërisë, Edi Rama, ka reaguar pas aksionit të madh policor që çoi në pranga 11 persona si pjesë e grupit të rrezikshëm kriminal në Shkodër.

Përmes një postimi në Twitter, kryeministri i vendit shkruan: “Policia e Shtetit foli përsëri me forcën e vendosmërisë sonë në luftën kundër krimit”.

Policia në Shqipëri kishte njoftuar se ka arrestuar 11 persona në Shkodër, Tiranë dhe Roterdam të Holandës në kuadër të operacionit të koduar “Oaz”, ndërsa dy persona janë duke u kërkuar ende. Që dyshohet të jenë pjesë e grupit kriminal “Bajri”.