Rama thërret Kurtin për reflektim

EPA/MALTON DIBRA

Ka zgjedhur Ditën e Çlirimit të Kosovës që t’i bëjë thirrje kryeministrit Albin Kurti për reflektim. Kryeministri Edi Rama i kërkoi Kurtit t’i japë fund grindjes me aleatët, që ai e quan absurde.

“Si sot e gati çerek shekulli më parë, hyrja e NATO-s në Kosovë u rikujton të gjithëve se pa aleatët strategjikë të shqiptarëve, miq të mirë në ditët më të këqija, s’do të kishte as Republikë të Kosovës, as liri e demokraci për shqiptarët në Kosovë! Zoti i bekoftë aleatët tanë! Prandaj bash sot është dita për të reflektuar thellë e për ta nxjerrë Kosovën nga qorrsokaku, ku e ka futur grindja absurde me aleatët! Kosova duhet të dalë patjetër prej qorrsokakut me dialog, jo me policë, me ide konkrete, jo me propagandë, me miq të mirë, jo me keqtrajtim të miqve”, shkruan Rama.