Ramazani largon turistët e Lindjes së Mesme

Udhëtarët e Golfit (gjirit) nuk mund të gëzojnë pushimet për shkak të agjërimit të tyre. Tregtarët presin të ballafaqohen me një mungesë përfitimi të theksuar.

Në vitin 2011 klientët arabë patën kaluar afro 54.443 net në korrik në Gjenevë.

Të premten myslimanët nëpër botë kanë filluar Ramazanin. Për një muaj ata duhet të agjërojnë tërë ditën, ndërsa do të kenë mundësi për të ngrënë dhe për të pirë vetëm në muzg. Që nga viti i kaluar dhe deri në vitin 2014 kjo praktikë fetare bie në festat e Gjenevës.

Pasoja: turistët nga vendet e Gjirit janë larguar shumë shpejt për t’u kthyer në vendlindje. “Klientët tanë janë kthyer të gjithë që nga 20 korriku”, tregon zëdhënësi i kompanisë “Qatar Airways”.

Ramazani, një javë më herët

Problemi është se këtë vit Ramazani zhvillohet një javë më herët se vitin e kaluar, duke mos u lejuar udhëtarëve të Lindjes së Mesme të përfitojnë nga sezoni i pushimeve dhe madje edhe festave të kantonit.

“Prania e tyre është shkurtuar”, konfirmon Cazaban Bernard, zëdhënës i “Genève-Tourisme & Congrès”. Kjo është një mungesë e pamohueshme, veçanërisht për hotelet. Por, prapëseprapë, ne vëmë re një rritje prej 8 për qind të qëndrimeve nga këto rajone që nga fillimi i vitit”.

Në kërkim të kompensimeve

Të ballafaquar me këtë ” pashmangshmëri”, disa bare nuk janë të prekur, me që nuk kanë pasur kurrë një klientelë të tillë”, thotë Jean-Marc Humberset, pronar i lokalit “Point bar». Por, disa mendojnë se pronarët e lojërave argëtuese të vendosura në bregun e djathtë të liqenit do të kenë shumë humbje.

“Genève-Tourisme & Congrès” përpiqet të kompensojë këto humbje duke ndërmarrë iniciativa të reja “në Indi, Rusi dhe Brazil, gjë që punon mjaft mirë”, ka thënë Bernard Cazaban. Vetëm Kina mbetet një treg i vështirë për ta pushtuar për shkak të pasigurisë (agresionet, kriminaliteti, dhuna) në Gjenevë”.