Raporti paralajmëron krizë financiare

Raporti i progresit bën te ditur se Kosova do te ballafaqohet me deficit buxhetor, i cili do te mbulohet nga shitja e Postës dhe Telekomit te Kosovës (PTK) dhe huamarrjet prej institucioneve te huaja financiare, për shkak te keqmenaxhimit buxhetor, ndërkohë qe flet për papunësi alarmante dhe për problemet ne sektorin e legjislacionit dhe prokurimit.

Ky raport bën të ditur se rritjet e mëdha në deficitin buxhetor gjatë dy vjetëve të fundit nuk kanë arritur te nxisin mjaftueshëm zhvillimin ekonomik. “Investimet qeveritare kane vazhduar të jenë të bollshme, por ka pasiguri në lidhje me investimet private, teksa huazimet bankare dhe të hyrat nga kapitali I jashtëm janë kanalizuar kryesisht në aktivitete jo investuese në sektorin e shërbimeve”, shkruan ne raport.

Ndërkohë qe vlerësohet se në përgjithësi, legjislacioni për prokurim nuk është ende ne vije me standardet evropiane. “Kosova ende duhet te përmbushë dhe te përmirësojë strukturën ligjore ne fushën e prokurimit publik”, rekomandon Raporti I progresit.