Rastet e reja në Maqedoninë e Veriut vënë në pikëpyetje lehtësimin e masave

Shumica e rasteve të reja janë persona që nuk kanë pasur kontakt me të infektuar

36 rastet e reja me koronavirus në Maqedonin e Veriut, kanë vënë në dyshim institucionet shëndetësore se gjendja atje mund të përkeqësohet si shkak i lehtësimit të masave, përcjellë albinfo.ch.

Ministria e Shëndetësisë së Maqedonisë përmes një njoftimi ka bërë të ditur se 12 nga rastet e reja të regjistruar në Tetovë, ku nga shumica e tyre janë persona që nuk  kanë pasur kontakt me të infektuar, duke u pasura kështu nga Shkupi me shtatë raste, Veles gjashtë si dhe në Kumanovë e Prilep janë nga katër raste.

Numri i atyre që humbën jetën si pasojë e koronavirusit në Maqedoni ka shkuar në 91, duke përfshirë edhe rastin e fundit që u raportua sot. Nga 1,622 rast të të infektuarve, duke u shëruar janë 419, ndërsa 1,112 tashmë janë shëruar.

Zëvendëskryeministri Bujar Osmani ka thënë se rastet e reja në Tetovë theksojnë nevojën për kujdes në respektimin e masave nga të gjithë qytetarët.

“Rastet pozitive në Tetovë, prej të cilave 11 janë raste të reja, janë shenjë se më e keqja ende nuk ka kaluar sa i takon pandemisë dhe se ka nevojë për kujdes të vazhdueshëm. Kjo ka bërë që të mbajmë një koordinim të jashtëzakonshëm me zëvendësministrin e Shëndetësisë, me drejtorin e Institutit për Shëndet Publik dhe drejtorin e Klinikës të Tetovës, për të bërë një diagnozë për gjendjen me pandeminë këtu në Tetovë dhe në rajonin e Tetovës, dhe cilat duhet të jenë masat shtesë që eventualisht duhet të merren në të ardhmen”, ka theksuar Osmani gjatë një vizite në Tetovë.

Paralajmërimet për masat lehtësuese , nuk dihet nëse do të miratohen pas shtimit të numrit të të prekurëve.

 

---