Reagimet pas përfshirjes nga flakët të katedrales Notre-Dame

KEYSTONE/AP Photo/Thibault Camus

Krerë të lartë të institucioneve ndërkombëtare dhe kosovare kanë reaguar pas përfshirjes nga flakët të katedrales Notre Dame të Parisit.

Kancelarja gjermane Angela Merkel ka bashkëndjerë me miqtë francez.

“Këto imazhe të tmerrshme të Notrë Dam në zjarr të trishtojnë. Notrë Dam është një simbol i Francës dhe kulturës tonë europiane. Ne jemi në mendime me miqtë francezë”, ka shkruar në “Twitter” zëdhënësi i kancelares Angela Merkel, Steffen Seibert.

Presidenti amerikan Donald Trump e ka quajtut të tmerrshme ngjarjen në Paris.

“Është shumë e tmerrshme të shohësh këtë zjarr gjigant në Notrë Dam në Paris. Ndoshta duhet të përdoren aeroplanë me ujë për ta fikur. Duhet vepruar sa më shpejt”, shkruan në “Twitter” Trump.

Presdenti i Kosovës, Hashim Thaçi ka shkruar për zjarrin.

“Fatkeqësi e madhe përfshirja në zjarr e katedrales historike Notre Dame në Paris. Një fatkeqësi kulturore me përmasa jo vetëm evropiane, por edhe botërore. Shpresoj që zjarri të shuhet dhe dëmi të riparohet sa më shpejt!”, ka shkruar Thaçi.