Reciprociteti po aplikohet 100 për qind

Ndërkohë që më parë ka pasur kolona të gjata të kamionëve duke pritur në kufi, një gjë e tillë nuk është duke ndodhur më　

Masat e reciprocitetit ndaj Serbisë janë duke u zbatuar 100 për qind, kanë bërë të ditur zyrtarët e Doganave të Kosovës. Sipas tyre që nga marrja e vendimit nga Qeveria e vendit për masat e reciprocitetit, asnjë mall serb nuk është zhdoganuar më.　

Pas situatës së krijuar në veri të vendit, përkatësisht në Pikën 1, e cila është djegur dhe vazhdon të jetë e mbyllur momentalisht, as në Pikën 31 nuk është lejuar qarkullimi i mallrave.　

Por një bllokim i tillë vazhdon të jetë edhe në pikat e Merdares dhe atë të Dheut të Bardhë.　

Ndërkohë ditëve të mëhershme ka pasur kolona të gjata të kamionëve duke pritur në kufi, një gjë e tillë nuk është duke ndodhur më.　

Vendimi i Qeverisë së Kosovës për vënien e masave të reciprocitetit ndaj Serbisë, është marr më 20 korrik dhe ai vazhdon të mbetet në fuqi.