Reforma në fluturimet brenda Evropës

Ilustrim, Pixabay

Rrugët e ndërlikuara evropiane të fluturimit gjenerojnë rreth 10% më shumë emetime CO2 sesa nëse do të ishin të drejtpërdrejta, kanë thënë ekspertët zviceranë të fluturimeve për Le Matin Dimanche.

“Njerëzit ndonjëherë mendojnë se pilotët mund të fluturojnë ashtu siç duan mbi kokat tona, por kjo nuk është absolutisht kështu. Qielli evropian është jashtëzakonisht i dendur dhe i mbushur me zona të kufizuara fluturimi si ato të rezervuara për avionët ushtarakë”, tha kreu i kullës së kontrollit të aeroportit të Gjenevës, Pascal Hochstrasser, shkruan swissinfo.

Fluturimet nga Gjeneva drejt kryeqyteteve të ndryshme evropiane në dhjetë ditët e fundit, ku distanca e fluturuar ishte midis 6% dhe 47% më shumë sesa nëse ata do të kishin marrë një rrugë fluturimi direkt.

Ky është një problem i madh, vëren Le Matin Dimanche, veçanërisht pasi numri i fluturimeve komerciale në vitin 2023 pritet të arrijë nivelet para pandemisë dhe të rritet me 44% deri në vitin 2050, përcjell albinfo.ch.

“Në Shtetet e Bashkuara hapësira ajrore është racionalizuar, ju mund të fluturoni në një vijë të drejtë nga Nju-Jorku në Los Anxhelos. Por në Evropë, rrugët janë aq komplekse saqë ne vlerësojmë se distancat më të gjata nënkuptojnë 10% më shumë konsum karburanti”, thotë Jean-Marc Thévenaz, kreu i EasyJet në Zvicër, shkruan swissinfo.

Një reformë e Bashkimit Evropian që synon thjeshtimin e qiejve të Evropës filloi në vitin 1999.