Rëndësia e lëngut të portokallit në mëngjes

A preferohet lëngu i portokallit në mëngjes

Studim:

Shkencëtarët kanë konstatuar se konsumi i shpeshtë i lëngut të frutave rrit rrezikun e sëmundjeve të zemrës dhe goditjes në tru, transmeton albinfo.ch.

Shkencëtarët nga Australia e kanë kryer këtë studim për të konstatuar nëse lëngjet natyrale të frutave e përmirësojnë apo përkeqësojnë shëndetin.

Thuhet se, edhe pse lëngjet natyrale të frutave janë gjithmonë një zgjedhje më e mirë se lëngjet e ëmbëlsuara apo të gazuara, ato janë ndonjëherë të dëmshme.

Lëngjet e frutave nuk do ta japin ndjenjën e ngopjes, sepse nuk përmbajnë fibra. Prandaj, është shumë më e lehtë të konsumoni një numër më të madh të kalorive sesa kur e hani një pemë të freskët.

Në studim morën pjesë 160 të rritur të shëndetshëm. Pjesëmarrësit duhej ta plotësonin një pyetësor që përfshinte pyetje në lidhje me shprehitë e tyre të ngrënies. Hulumtuesit pastaj ua matën pjesëmarrësve nivelin e shtypjes së gjakut.

Rezultatet e studimit treguan se njerëzit që pinin lëng frutash çdo ditë kishin një rrezik më të lartë të zhvillimit të tensionit të lartë, në krahasim me moshatarët e tyre që pinin lëng frutash herë pas here ose rrallë.
Megjithatë, rezultatet e hulumtimit nuk duhet marrë ende në konsideratë tek aplikimi i shprehive të shëndetshme të të ushqyerit, sepse mostra e pjesëmarrësve ishte e vogël dhe studiuesit nuk kishin marrë në konsideratë faktorë të tjerë, përveç shprehive të ngrënies.

Megjithatë, duhet kuptuar se lëngjet e frutave gjithashtu përmbajnë kalori. Rreth 250 ml lëng portoalli përmban 80 kalori.

Me këto kalori nuk vijnë komponentët që na bëjnë të ndihemi të ngopur, siç ndodh me frutat e papërpunuara, kështu që është pothuajse gjithmonë një zgjedhje më e mirë që t’i anashkaloni lëngjet.

---