Rënie e ndjeshme e infeksioneve në Zvicër: 1075 raste për 24 orë

BAG raporton 35 raste të reja të vdekjeve nga korona. Mesatarja 7 ditore është 15 të vdekur në ditë që është 29 për qind më pak se në javën e kaluar

Zyra Federale e Shëndetit Publik (BAG) ka raportuar sot 1075 raste të reja që kanë rezultuar pozitive për koronavirusin në 24 orët e fundit.

Mesatarja 7 ditore është 1119 ose 22 për qind më pak se në javën e kaluar, raporton srf.ch. Trendi aktualisht është dukshëm në rënie.

Shkalla mesatare pozitive 7 ditore aktualisht është 4.9 për qind. Krahasuar me javën e kaluar, norma pozitive është ulur me 1 pikë përqindjeje, transmeton albinfo.ch. Numri i testimeve në mesataren 7-ditore është 27,733 në ditë dhe kështu është rritur për 4 për qind krahasuar me javën e mëparshme.

BAG raporton 35 raste të reja të vdekjeve nga korona. Mesatarja 7 ditore është 15 të vdekur në ditë që është 29 për qind më pak se në javën e kaluar.

Aktualisht BAG raporton 1,05o persona që po trajtohen në spitale për Covid-19. Kjo është 16 përqind më pak se në javën e kaluar.

Shtretërit e certifikuar të kujdesit intensiv në spitalet zvicerane aktualisht po shfrytëzohen në masën prej 79.0 për qind. Ndërsa nëse përfshihen këtu edhe shtretërit ad hoc, zënia e tyre është në masën 69.0 për qind.

---