Rënie e numrit të rasteve dhe vdekjeve në Itali

Italia ka publikuar bilancin e 24 orëve të fundit sa u përket të prekurve me koronavirus. Numri i viktimave ka shkuar në 13155, që do të thotë janë 727 viktima në 24 orët e fundit.

Në zonën e Lombardisë, që është më e prekura deri më tani, janë shënuar 394 viktima në 24-orët e fundit.

Rastet janë shtuar me 2937, duke e çuar në 80562 numrin total të rasteve aktive. Numri i të shëruarve ka shkuar në 16847 dhe 4035 janë në gjendje kritike.

Ndërsa numri i të vdekurve në gjithë botën ka shkuar në 45050.

Ditën e djeshme ishin 837 viktima, sot kemi 110 të vdekur më pak.

---