Reshitaj: “Kosova e Re” dhe çdo fabrikë do të ketë filtër për pastrim të ajrit

“Jo vetëm termocentralet, por çdo biznes çdo fabrikë që ndërtohet duhet me pas filtrin e veçantë që e mbron ajrin dhe nuk lejon ngritjen e ndotjes së ajrit"

Ministrja e Mjedisit dhe Planifikimit Hapësinor, Albena Reshitaj, gjatë raportimit të saj në Komisionin për Bujqësi, Pylltari, Zhvillim Rural, Mjedis e Planifikim Hapësinor  ka thënë se  ndotja e ajrit është sfidë globale e sidomos për vendet që gjenden në zhvillim siç është Kosova.

Ministrja ka paralajmëruar se janë në përgatitje të një kampanje që çështja e ambientit të futet në kurikulat shkollore. Ndërsa ka thënë se termocentrali i ri do të ketë filtër të veçantë që e mbron ndotjen e ajrit.

“Jo vetëm termocentralet, por çdo biznes çdo fabrikë që ndërtohet duhet me pas filtrin e veçantë që e mbron ajrin dhe nuk lejon ngritjen e ndotjes së ajrit. Nuk do futet në funksion asnjë fabrikë e cila nuk ka filtër për ndalimin e ndotjes së ajrit”, ka thënë ajo. Deputetët pjesë e këtij komisioni janë njoftuar nga ministrja se ekzekutivi kosovarë  do të bëjë hartimin dhe ndryshimin e ligjeve që janë në kuadër të këtij dikasteri.