Rita Ora flet për bashkëpunimin e mundshëm me Bebe Rexhën, Dua Lipën e Ava Maxin

Në fund të janarit këngëtarja me famë botërore, Bebe Rexha, u bëri një ftesë tri këngëtareve të njohura shqiptare për të bashkëpunuar, Rita Orës, Dua Lipës e Ava Maxit.

Ky propozim ishte mirëpritur nga tri këngëtaret që i kishin kthyer përgjigje pozitive Bebe Rexhës, megjithatë që nga atëherë nuk është folur më për këtë bashkëpunim.

Në një intervistë për radion filipinase “MYX”, Rita Ora u shpreh rreth këtij bashkëpunimi me artistet shqiptare, transmeton gazeta shqiptare, përcjell albinfo.ch.

“Nuk kemi filluar ende me bashkëpunimin, por mendoj se do të ishte super fantastike, sepse jemi të gjitha shqiptare dhe ky do të ishte moment magjik për Shqipërinë”, ka thënë Rita Ora.

Gjithashtu, gjatë intervistës ajo foli edhe për Bebe Rexhën, me të cilën ka një miqësi shumë të mirë.

“Ajo është shqiptare si unë, kështu që kam pak kohë që e njoh dhe mendoj se është e talentuar si tekstshkruese dhe artiste. Shpresojmë të realizohet sa më herët”, u shpreh Ora.