Rompuy: raportet me Kosovën, kusht për Serbinë

Sipas Tadiqit, Serbinë nuk duhet ta bindë askush se çështja e Kosovës duhet të zgjidhet para hyrjes së saj në BE

Presidenti i Këshillit të Evropës, Herman van Rompuy, ka thënë se raportet e Beogradit dhe të Prishtinës do të jenë një nga elementet të cilat Bashkimi Evropian do t’i marrë parasysh gjatë vendosjes për kandidaturën e Serbisë për anëtarësim në BE.

Në hapjen e Forumit Serbia-BE në Beograd, ai ka theksuar se çështja e Kosovës është e ndjeshme, por ka përshëndetur rezultatet në dialogun mes Prishtinës dhe Beogradit.

Sipas tij e ardhmja e Serbisë është në BE, gjithashtu Serbia ka punuar shumë në këtë drejtim.

Rompuy ka vënë ne pahë se ka pengesa në përmbushjen e kushteve të Kopenhagës, ku elementet kryesore janë bashkëpunimi rajonal, sidomos në Ballkanin perëndimor që ishte i ngarkuar me luftëra.

Ndërsa kryetari i Serbisë Boris Tadiq ka deklaruar se Serbia në rrugën për në Bashkimin Evropian ka bërë çdo gjë që të arrihen negociatat me BE-në dhe në këtë rrugëtim nuk pret kurrfarë privilegjesh e lehtësirash.

“Por, nuk mund të pranojmë kushte të tjera që do të mund të na viheshin”, ka thënë Tadiq duke hapur forumin e parë “Serbia – BE” në Beograd.

Sipas tij Serbinë nuk duhet ta bindë askush se çështja e Kosovës duhet të zgjidhet para hyrjes së saj në BE