Rrahje mes dy shtetasve turq në Prishtinë, një person përfundon me lëndime në kokë

Ngjarja ndodhi pranë stadiumit “Fadil Vokrri”, ndërsa njëri nga të përfshirët u trajtua nga emergjenca. I dyshuari tjetër u arrestua dhe u dërgua në mbajtje për 48 orë.

Një përleshje fizike mes dy shtetasve turq është raportuar mbrëmjen e 31 marsit në Prishtinë, ku si pasojë një person ka mbetur i lënduar, përcjell albinfo.ch.

Ngjarja ka ndodhur në rrugën “Enver Zymberi”, në afërsi të stadiumit “Fadil Vokrri”, ku dy persona janë përfshirë në rrahje për motive që ende nuk janë bërë të ditura.

Si pasojë e përleshjes, njëri nga të përfshirët, Isa Yllmaz, ka pësuar lëndime në pjesën e kokës. Në vendin e ngjarjes është thirrur emergjenca, ku i lënduari ka marrë trajtim mjekësor.

Ndërkohë, i dyshuari tjetër, Murat Saray, ka refuzuar trajtimin mjekësor dhe më pas është shoqëruar në stacion policor.

Në konsultim me Prokurorin kujdestar, rasti është iniciuar si “Lëndim i lehtë trupor”, ndërsa i dyshuari është dërguar në mbajtje për 48 orë në Qendrën e Mbajtjes.

Hetimet lidhur me këtë rast janë duke vazhduar./Albinfo.ch

---