Rrëfimi i pilotit të parë të Kosovës

Nëse dikur shqiptarët njiheshin si populli më i vuajtur dhe më i shtypur i Ballkanit, si evropianët më pak të zhvilluar, këto epitete nuk i takojnë më, jo, sepse ëndrrat që dikur kishim frikë edhe t’i ëndërronim tashmë po i bëjmë realitet.

Eh, njëra ndër ëndrrat të kamotshme për të cilën flijuan pjesë të shpirtit e të trupit pothuajse secili shqiptar, ishte ushtria që sot gëzojnë, raporton RTV 21.

Ushtria më e re në botë, ajo e Republikës së Kosovës, sot ka edhe pilotin e saj të parë, ky është Afrim Zabeli, ai i cili më 14 dhjetor, në ditën e Ushtrisë së Kosovës, diplomoi në Turqi, përcjell albinfo.ch.

Ky moment sigurisht ishte kulmi i gëzimit të shumë shqiptarëve, por edhe i Afrimit i cili rrugëtimin e tij në Ushtrinë e Kosovës, e kishte nisur në vitin 2011.