Rreth 30 mijë emigrantë vdiqën për 8 vjet duke tentuar të kalojnë në Evropë

(AP Photo/Darko Bandic)

Më shumë se 29.000 njerëz kanë vdekur teksa kanë tentuar të migrojnë në Evropë prej vitit 2014, ka thënë Organizata Ndërkombëtare për Migrim në raportin e saj të fundit.

Mbi 5.000 viktima janë regjistruar vetëm në dy vjetët e fundit.

Projekti i agjencisë së OKB-së për migrantët e zhdukur ka paralajmëruar për “rritje të numrit të vdekjeve në Mesdhe, në kufijtë tokësorë të Evropës dhe brenda kontinentit”, transmeton euronews, përcjell Albinfo.ch.

Sipas raportit, rruga më vdekjeprurëse vazhdon të jetë në qendër të Mesdheut, ku 2.836 migrantë dhe refugjatë kanë vdekur prej janarit të vitit 2021, teksa kanë tentuar të arrijnë në Itali apo Maltë nga Libia dhe Tunizia.