Rrezik i shtuar nga ortekët në Zvicër gjatë Pashkëve

Foto nga arkiva: Keystone

Mot i ngrohtë dhe reshje të shumta bore kanë rritur ndjeshëm rrezikun nga ortekët në zonat malore të Zvicrës, pikërisht në prag të festave të Pashkëve.

Autoritetet paralajmërojnë se situata është veçanërisht e rrezikshme në rajonin Alpstein, ku rekomandohet shmangia e aktiviteteve si ecja apo ski jashtë pistave. Në disa zona malore, brenda një jave ka rënë deri në një metër borë e re, ndërsa erërat e forta kanë krijuar shtresa të paqëndrueshme.

Ekspertët theksojnë se rreziku për ortekë mbetet i lartë, sidomos në terrene të pjerrëta dhe gjatë orëve të pasdites, kur temperaturat rriten. Për këtë arsye, këshillohet kujdes maksimal, planifikim i mirë dhe shmangie e zonave të rrezikshme.

Deri më tani, këtë sezon janë raportuar 15 viktima nga ortekët në Zvicër.