Rrëzohet aeroplani, vdes piloti dhe dy fëmijë

Sipas policisë, aeroplani i tipit Piper PA28 është rrëzuar fare pranë stacionit të teleferikut Giavolezza, nga një lartësi prej rreth 2800 metrash

Në Giavolezza, regjioni Engadin i Kantonit Graubünden është rrëzuar sot  rreth orës 9 e 30 një aeroplan i vogël privat me ç`rast kanë humbur jetën dy fëmijë  14 vjeçarë dhe piloti. Një vajzë 17 vjeçe është nxjerrë nga vendi i aksidentit  me lëndime të rënda, njofton Policia Kantonale e Graubündenit.

Sipas policisë, aeroplani i tipit Piper PA28 është rrëzuar fare pranë stacionit të teleferikut Giavolezza, nga një lartësi prej rreth 2800 metrash, transmeton albinfo.ch. Lidhur me shkaqet që kanë sjellë te aksidenti, policia ende nuk ka dhënë informacione.

Fluturimi po zhvillohej në kuadrin e ushtrimeve të një klubi aeronautik të të rinjve.

(Foto: Kapo Graubünden)