Rusia i kundërpërgjigjet Greqisë, shpall non grata diplomatët grekë

Gjithashtu, sekretari dhe këshilltari i Kotzias, Georgios Sakellariou, është shpallur person i padëshiruar në Rusi. Sipas qeverisë ruse, ata janë tepër të ndikuar nga amerikanët.

Spu

NATO dhe Rusia po luftojnë për të shtuar prezencën e tyre të ndikimit në Ballkan. Qeveria ruse ka vendosur të hënën, që ti kundërpërgjigjet Greqisë, pasi kjo e fundit dëboi dy diplomatë rusë para një muaji – me arsye se ishin përzierë në çështje të brendshme të saj, konkretisht për të zhbërë marrëveshjen historike mes Athinës dhe Shkupit, shkruan albinfo.ch.

Ambasadori grek në Moskë, Andreas Fryganas, është thirrur në ministrinë e jashtme ruse, ku i është kumtuar mosbesimi diplomatik ndaj ministrit të jashtëm Nikos Kotzias. Deri para pak kohësh, ata njiheshin mbi të gjitha si “miq personalë”.

Gjithashtu, sekretari dhe këshilltari i Kotzias, Georgios Sakellariou, është shpallur person i padëshiruar në Rusi. Sipas qeverisë ruse, ata janë tepër të ndikuar nga amerikanët.

Kotzias së fundi ka ndjekur një politikë pan-ballkanike, ku shtetet tjera të Ballkanit dhe Greqia „duhet të punojnë sëbashku për një të ardhme të përbashkët europiane.” Shumë më e rrezikshme do të ishte që rajoni të mbetej nën kontrollin e Turqisë ose Rusisë.

Kotzias pyet retorikisht: „A nuk jemi ne më në rrezik, (nëse Turqia) merr të shkollojë gjithë armatat e ushtrive të shteteve tona fqinje dhe të ndërtojë baza ushtarake në kufijtë tanë veriorë?”