Rusia për herë të parë me ligj kundër dhunës në familje

Ilustrim

Arsyeja e dhënë për miratimin e këtij ligji thuhet të jetë: “Ruajtja e traditës së autoritetit prindëror”.

36 000 gra vuajnë dhunën e përditshme bashkëshortore fizike në Rusi. 26.000 fëmijë janë të abuzuar nga prindërit e tyre dhe 40% e krimeve të rënda janë të kryera brenda një konteksti familjar. Megjithatë, këtë të enjte, më 12 janar,  parlamentarët rusë miratuan, pothuajse unanimisht, një ligj për dekriminalizimin e dhunës në familje.

Arsyet e dhëna nga deputetët: “Ruajtja e traditës së autoritetit prindëror”, njofton albinfo.ch.

Në origjinë të këtij propozimi, Yelena Mizulina, një figurë në ngritje në skenën politike ruse, deputete ultrakonservatore dhe kryetare e Komisionit për familjen dhe çështjet e grave. “Ju nuk doni që njerëzit të jenë të burgosur për dy vjet dhe të etiketohen si kriminelë për pjesën tjetër të jetës së tyre për një shuplakë”, kështu ka filluar të mbrojë projektin e saj.

Argumentet kanë arritur qëllimin e saj, me që 368 deputetë nga 370 kanë miratuar në leximin e parë tërheqjen nga Kodi penal rus akuzat për dhunë në familje, njofton albinfo.ch.

“Në kulturën e familjes tradicionale, marrëdhëniet prind-fëmijë janë të ndërtuara në autoritetin e pushtetit të prindërve (…) Ligjet duhet të mbështesin këtë traditë të familjes”, thekson Yelena Mizulina, sipas gazetës “Terrafemina”.

Në korrik të vitit 2016 ,Vladimir Putin, ka dekriminalizuar tashmë dhunën në familje, kur nuk ka asnjë shenjë dëmtimi. Ose legalizimin e logjikës: “Nuk shihet, nuk kapet”.