Rusia thotë se u sulmua nga Ukraina me dronë në Detin e Zi, nuk jep prova

Rusia ka thënë se është dëmtuar një anije luftarake e saj në flotën e Detit të Zi në qytetin port të Krimesë, Sevastopol, pasi një sulmi "masiv" me dronë që është kryer nga Ukraina

Rusia ka thënë se është dëmtuar një anije luftarake e saj në flotën e Detit të Zi në qytetin port të Krimesë, Sevastopol, pasi një sulmi “masiv” me dronë që është kryer nga Ukraina.

Sipas informacioneve ruse, në këtë sulm janë përdorur nëntë dronë, por Ukraina ende nuk i ka komentuar këto pretendime, shkruan BBC, përcjell Albinfo.ch.

Pa dhënë prova, Rusia akuzoi trupat britanike për përfshirje në sulmin e së shtunës dhe në hedhjen në erë të tubacioneve të gazit muajin e kaluar.

Në përgjigjen e saj, Ministria e Mbrojtjes e Mbretërisë së Bashkuar tha se Rusia “po shpërndante pretendime të rreme në një shkallë epike”.

Sulmi i së shtunës vjen pasi trupat ukrainase rimorrën me sukses territorin e pushtuar nga trupat ruse që kur nisën pushtimin e tyre më 24 shkurt.

Rusia është përgjigjur duke nisur sulme në shkallë të gjerë në infrastrukturën ukrainase, veçanërisht në rrjetin energjetik të vendit.

Sevastopol është qyteti më i madh në atë rajon dhe shtëpia e flotës ruse të Detit të Zi./Albinfo.ch

---