Rusia vendos tarifa shtesë në produktet amerikane

Rusia ka paralajmëruar rritje të shifrave të tarifave në mallërat e SHBA-së.

Ministria  e Ekonomisë në Rusi ka paralajmëruar vendosjen e tarifave shtesë të Moskës në mallërat e SHBA-së.

Ministri rus për Zhvillim Ekonomik, Maxim Oreshkin, ka thënë se masat shtesë nga 25 deri në 40 përqind do të aplikohen në disa pajisje për punime rrugore, pajisje të gazit dhe naftës, instrumente të prodhimit të metalit, si dhe në fibra optikë.

Ministria ka thënë se këto masa synojnë të kompensojnë dëmin në vlerë të 88 milionë dollarëve në produktet ruse, si pasojë e tarifave amerikane. Ministria për Zhvillim Ekonomik në Rusi nuk ka përjashtuar vënien e masave të reja.

Kina dhe Shtetet e Bashkuara kanë vendosur masa reciproke ndaj njëra-tjetrës në vlerë të 34 milionë dollarëve.

Rusia, Bashkimi Evropian, India dhe Kina kanë bërë kërkesë tek Organizata Botërore e Shëndetësisë për të sfiduar masat e vendosur nga Shtetet e Bashkuara të Amerikës.

Uashingtoni ka thënë se është detyruar t’i aplikojë këto tarifa për shkak të praktikave të padrejta tregtare dhe për çështje të sigurisë kombëtare.