Sa është e rrezikuar Kosova nga sulmet kibernetike?

Kryeministri Albin Kurti ka folur për masat që janë ndërmarrë

Sulmet e fundit kibernetike në Shqipëri, por edhe në Kosovë kanë nxitur autoritetet e Kosovës të ndërmarrin masa në mënyrë që të mos cenohet siguria kombëtare.

Së fundmi, kryeministri Albin Kurti tha se janë koordinuar të gjitha institucionet përgjegjëse për të mbrojtur suksesshëm sistemin, transmeton Albinfo.ch.

“Edhe tek ne kemi pasur sulme (kibernetike) të tilla, kemi pasur sulm ndaj qeverisë dhe Telekomit. Sulmi ka qenë i llojit ‘didos’. Deri tani përveç që kemi pasur mosfunksionime të përkohshme, nuk kemi pasoja të tjera. Por kjo nuk do të thotë që të mos përgatitemi për më keq se kaq. Ndaj edhe ASHI dhe Ministria e Ekonomisë, Ministria e Punëve të Brendshme dhe AKI janë në koordinim të ngushtë që të mbrohemi suksesshëm”, tha ai.

 

---